Баткен облусунун Кызыл-Кыя шаарындагы аэропорт  оңдолуп кайрадан ишке берилет. Буга чейин жергиликтүү тургундар бир канча жолу аталган аба майданын жаңылоо керектигин айтып чыгышкан.Кызыл-Кыяга аэропорттор кеңешинин төрагасы Болот Жумабеков жана Ош, Бишкектеги “Манас” аба майданынын өкүлдөрү 14-ноябрда жумушчу сапары менен барышты.

«Биз бүгүн,  Кызыл-Кыя шаар башчылыгына тийиштүү тапшырмалар бердик атайын ушу аэропортту иштетүү жагын карап чыгуу боюнча. Биз ойлойбуз тез аранын ичинде иштер алып барылат жана көздөлгөн максатка жетишилет»,-деп билдирди Болот Жумабеков.

Маалыматтарга караганда, 60-жылдары негизделген аба майданы Кызыл-Кыя шаарында 3 багыт менен жүргүнчүлөрдү тейлеген, ошондой эле жүк учактарын да кабыл алып турган. Кийинчерээк аэропорттун жабдыктары Баткен шаарына өткөрүп берилип, аэропорт өзү жабылган.

Даярдаган: Абдурахманова Гулбахор.

Сүрөт: Интернет булактарынан алынды.